Ministria e Shëndetësisë bëri të ditur se në 24 orët e fundit janë zbuluar 14 raste të reja me Covid-19, nga të cilat 7 janë në Krujë.
Ndërkohë mësohet se 7 pacientët e rinj të infektuar në Krujë janë 3 në qytet dhe 4 në zonat rurale, ndërsa mes tyre është edhe një burrë 65 vjeç.
Mësohet se të 7 rastet janë kontakte të rasteve të mëparshme, ndërsa po kryhet hetimi epidemiologjik të kontakteve që këto pacientë kanë pasur.
Burime nga Ministria e Shëndetësisë bëjnë me dije se disa nga të infektuarit e rinj në Krujë janë punonjës fasonerie, ku edhe më parë ka pasur raste me Covid 19.
Në Krujë janë identifikuar 18 raste me koronavirus dhe në raport me numrin e popullsisë mund të thuhet se është një ndër qytetet më të prekura nga Covid-19.
Në total në Shqipëri janë infektuar 562 persona, ndërsa janë shëruar 314, ndërkohë që sipas shifrave zyrtare të Ministrisë së Shëndetësisë kanë humbur jetën 26 pacientë.
