“Pandemia mund të ishte ndalur në Kinë, ku ajo filloi, por nuk ndodhi dhe tani vuajnë të gjithë për shkak të saj”.
Kështu deklaron presidenti i ShBA-së, Donald Trump gjatë një konference të përditshme për shtyp me Shtëpinë e Bardhë.
Presidenti amerikan ka paralajmëruar Kinën se do të përballet me pasoja nëse vërtetohet se qëllimisht është përgjegjëse për përhapjen e COVID-19.
“Nëse ishte gabim, gabimi është gabim. Por nëse ata do të ishin me vetëdije përgjegjës, po, dua të them, atëherë i sigurt se duhet të ketë pasoja” tha Trump, duke mos sqaruar se çfarë veprimesh mund të ndërmarrin Shtetet e Bashkuara.
Administrata Trump ka akuzuar Kinën për mungesë transparence pasi koronavirusi shpërtheu në fund të vitit të kaluar në qytetin e tij Wuhan.
Këtë javë kreu i Shtëpisë së Bardhë pezulloi ndihmën për Organizatën Botërore të Shëndetit duke e akuzuar atë se nuk ka menaxhuar si duhet situatën.
