Britania ka regjistruar një rritje të frikshme të rasteve të reja të vdekjeve prej pandemisë në 24 orët e fundit. Rritja e viktimave ka vijuar fatkeqësisht duke kaluar edhe shifrat e ditëve të fundit.
Bilanci i viktimave është rritur me 5 për qind ditën e sotme. Në 24 orët e fundit janë regjistruar 888 viktima duke ulur kështu mundësinë e rënies së kurbës së epidemisë në vend.
Pas shifrave të fundit numri total i vdekjeve të shkaktuara nga Covid-19 në vend arrin në 15,464. Ndërsa alarmante janë shifrat edhe për rastet e reja ku brenda ditës janë konfirmuar 5,525 raste të reja me koronavirus duke bërë që numri total i të infektuarve në vend të shkojë në 114,217.
Britania e Madhe vijon të jetë në vendin e gjashtë shteteve më të prekur nga koronavirusi në botë. Në vendin e parë si qëndrojnë SHBA-të me 710,272 të infektuar dhe 37,175 viktima.
