Gazetari i njohur shqiptar Blendi Fevziu, që në momentin kur dolën 2 rastet e para me koronavirus në Shqipëri, ka këshilluar publikun e gjerë që të rrinë në shtëpi.
Me sa duket, ai vetë qenka mërzitur nga karantina dhe ka vendosur ta thyejë atë. Ai ka publikuar në Instagramin e tij një video ku në sfond shihet deti dhe një pulëbardhë. Vendi ishte i papopulluar dhe mbizotëronte qetësia.
Nuk dihet nëse moderatori e ka bërë më parë këtë video apo e ka bërë tani. Blendi nuk ka lënë asnjë shënim krahas postimit ( siç bëjnë gjithë të tjerët) që mund të jetë një video e bërë kohë më parë.
Kujtojmë se shumë personazhe të njohur të televizionit kanë këshilluar ndjekësit të qëndrojnë në shtëpi dhe të dalin vetëm në raste emergjente ndërsa vetë kanë dalë të shëtisin dhe të shijojnë qetësinë që u fal deti. Disa prej tyre janë Arbana Osmani, Jonida Maliqi dhe Romeo Veshaj.
Gazetarja Aulona Musta dhe gazetari Taulant Kolpiku kanë thumbuar kolegët e tyre për këto veprime madje i kanë quajtur skandaloze.
