Të paktën 154 000 viktima si pasojë e koronavirusit të ri janë regjistruar në mbarë botën, ndërkohë që numri i rasteve me COVID-19 ka arritur në 3 550 000.
“Në total 154 000 viktima janë regjistruar deri tani në mbarë botën, ndërsa numri i rasteve me COVID-19 ka arritur në 3 550 000”, sipas të dhënave të Universitetit John Hopkins.
Numri më i madh i të vdekurve është regjistruar në SHBA, me 37 000 viktima për 700 000 raste, ndërsa pas saj radhiten Italia me 22 700 viktima për 170 000 raste, Spanja me 20 000 të vdekur për 190 000 raste, Franca me 17 920, Britania e Madhe me 14 576, Belgjika me 5 163, Irani me 4 958 dhe Gjermania me 4 193 të vdekur nga COVID-19.
Ndërkaq, në Kinë, vendin e origjinës së virusit, janë konfirmuar 4 632 të vdekur.
Vendet e tjera me mbi 1 000 viktima janë Holanda me 3 459, Brazili me 1 956, Turqia me 1 769, Suedia me 1 400, Zvicra me 1 325 dhe Kanadaja me 1 252 të vdekur.
Pas shfaqjes në Wuhan të Kinës në dhjetor të vitit të kaluar, pandemia COVID-19 është përhapur në gjithë botën.
Deri më tani, 563.696 të infektuar e kanë mposhtur sëmundjen, kurse aktualisht ka mbi 1,5 milion raste aktive që presin të shërohen.
