Policia e Dibrës në bashkëpunim me Interpol Tiranën dhe Interforzën italiane kanë vënë në pranga një person të shpallur në kërkim kombëtar e ndërkombëtar.
Në kuadër të operacionit “Maqellara”, është arrestuar shtetasi Ervis Murra alias Ervis Manna, 31 vjeç, banues në Shupenzë, Dibër.
Gjykata e Apelit në Perugia/ Itali, më datë 29.09.2017, e ka dënuar këtë shtetas me 5 vjet burg, për kryerjen e veprës penale “Vjedhja me armë”, parashikuar nga Kodi Penal italian.
Arrestimi i tij është i përkohshëm pasi ai do të ekstradohet drejt Italisë.
Materialet procedurale iu referuan Prokurorisë Pranë Gjykatës së Shkallës së Parë Dibër, për veprime të mëtejshme.
