Edhe pse Amerika është një nga shtetet më të goditura nga pandemia e koronavirusit, sërish SHBA vijon të ndihmojë shtetet në nevojë në këtë krizë të thellë globale.
Departamenti Amerikan i Shtetit ka publikuar një listë me vendet që do të marrin ndihma dhe mes tyre është edhe Shqipëria, e cila do të përfitojë 1,2 milionë dollarë.
Në deklaratën e DASH thuhet se kjo ndihmë për Shqipërinë do të shkojë për përgatitjen e sistemeve laboratorike, për gjurmimin e rasteve, mbështetje për ekspertët teknikë.
Në deklaratë theksohet se Shtetet e Bashkuara kanë dhënë një ndihmë prej 693 milionë dollarë në 20 vite për Shqipërinë, nga të cilat 51,8 milionë ndihmë shëndetësore.
