Gjatë 24 orëve të fundit në Maqedoninë e Veriut janë shëruar 18 pacient me koronavirus, duke e çuar në 139 numrin në total të të shëruarëve në vend.
Prej gjithsej 437 testimeve të kryera gjatë 24 orëve të fundit, janë konfirmuar edhe 36 raste të reja me koronavirus, duke e çuar në 1,117 numrin në total të të infektuarëve në Maqedoninë e Veriut.
Sipas qyteteve në Shkup janë regjistruar 22 raste, Kumanovë 4, Prilep 3, Strugë 3, Veles 3, Manastir 1. Me rastet e fundit numri i personave të prekur virusin korona në vendin tonë shkon në 1,117.
Gjatë 24 orëve të fundit janë regjistruar tre viktima nga koronavirusi. Një pacient nga Kumanova në moshën 85 vjeçare, dhe një nga Krusheva në moshën 77 vjeçare kanë ndërruar jetë në Klinikën Infektive në Shkup.
Kurse një pacient nga Labunishta e Strugës që kishte ndërruar jetë në para tre dite në një Klinikë private në Shkup gjithashtu ka rezultuar pozitiv post mortum me koronavirus.
Me viktimat e fundit në Maqedoni, numri i rasteve me Covid-19 që kanë përfunduar me fatalitet tashmë shkon në 49.
