Një grua e zhveshur hidhet mbi një makinë policie në Spanjë, pasi u paraqit në një seancë gjyqësore për thyerjen e rregullave të karantinës dhe nuk respektoi vetë-izolimin.
Video-ja e publikuar të hënën nga Daily Mail, tregon gruan e cila qëndron me duart sipër kokës teksa hidhet tërësisht e zhveshur mbi një makinë policie. Ndërsa nga mediat ndërkombëtare bëhet e ditur se ngjarja ka ndodhur në një rajon policie në Torremolinos, zonë në jug të Spanjës.
Gruaja hipi mbi makinën e forcave të rendit pasi u dënua me gjobë nga gjykata për thyerjen e rregullave të rrepta të karantinës në Spanjë.
Ajo u arrestua rreth orës 8 të së shtunës pasi fyeu fqinjët të cilët duartrokitën shërbimet e urgjencës për punën e tyre në luftën kundër koronavirusit – siç ndodh çdo ditë në Spanjë.
Siç e tregojnë dhe pamjet janë dashur tre oficerë policie për ta neutralizuar dhe për ta dërguar më pas në spital.
