Një rast i ri me koronavirus është zbuluar në qytetin e Korçës.
Burime bëjnë me dije se një e moshuar 80-vjeçare ka rezultuar pozitiv me COVID-19. Mësohet se ajo është bashkëshortja e një pacienti 84-vjeçar i cili ka qenë më parë i infektuar me COVID-19.
Bashkëshorti i saj ka rezultuar pozitiv që në datën 23 mars, ndërsa gruaja e tij pas 24 ditësh. Nuk dihet ende sesi kjo paciente me COVID-19 nuk është zbuluar më parë.
Pas këtij rasti, numri në total i të prekurëve me koronavirus në qytetin juglindor ka shkuar në 19 persona.
