Kryeministri Rama ka bërë të ditur me anë të një statusi në Facebook se nga sot hapen prenotimet për fluturimet e riatdhesimit që nisin të shtunën nga Roma.
Rama njofton se paketa do të jetë 100€ për fluturimin që do të paguhen nga personi dhe 21€ në ditë për akomodimin 14-ditor në hotel, prej të cilave 14€ do të mbulohen nga qeveria për fjetjen e shërbimin me standardet anticovid-19, ndërsa vetëm 7€ do të paguhen nga personi për ushqimin.
Kryeministri thekson se çmimi i biletës do të variojë sipas destinacioneve, ndërsa pagesa e hotelit karantinë do të jetë fikse për të gjithë.
