Igli Tare është një nga “nuhatësit” më të mirë të talenteve. Siç ka ndodhur shpesh te Lazio, ish-sulmuesi shqiptar, ka rrezikuar me futbollistë të pa afirmuar mirë por që në fund gjithçka ka rezultuar e goditur.
Së fundmi në shënjestrën e Drejtorit Sportiv të klubit bardhekaltër ka përfunduar sulmuesi serb i Fiorentinës, Dusan Vlahovic, i cili ka debutuar vetëm këtë sezon në Serinë A dhe ka dhënë sinjale mjaft pozitive për të ardhmen.
20-vjeçari ndiqet edhe nga ekipe jashtë Serisë A, por Lazio është një nga ato skuadra që do të mund t’I garantonte lojtarit më shumë minuta.
Gjithsesi presidenti I klubit vjollcë, Rocco Commisso, ka deklaruar se është kundër idesë për largimin e lojtarëve të rinj por kjo mund të jetë edhe një teknikë për të përfituar sa më shumë të ardhura nga lojtari.
