Ish-basketbollisti i Detroit Pistons, Bill Laimbeer, e ka lartësuar LeBron Jamesin duke e quajtur yllin e Los Angeles Lakers si basketbollistin më të mirë në histori të NBA.
Lebron e ka fituar 3 herë NBA-n dhe është paraqitur 16 herë në All Star Game. “King” James, është i vetmi që konsiderohet si një kërcënim për Jordan-in në titullin e lojtarit më të mirë në histori.
“E mbroj shumë këtë debat. Mendoj se LeBron është lojtari më i mirë që e ka luajtur këtë lojë”, tha Laimbeer për emisionin “First Take” në ESPN.
“Ai është 2.03 metra i gjatë, peshon 130 kilogramë por vrapon si era dhe ka një vertikale të frikshme. Që në sezonin e parë të tij në NBA ai dinte si t’i përfshinte shokët e skuadrës në lojë, diçka që Jordan e mësoi më vonë”.
“Por nëse i merr parasysh kampionatet e fituara, natyrisht se Michael Jordan ka më shumë se ai, por unë mendoj se LeBron do ta bënte këtë që po e bën tani në çdo gjeneratë”, theksoi ai.
"I firmly believe that [LeBron James] is the best basketball player in the history of the game."
Former "Bad Boy" Piston, and Michael Jordan opponent, Bill Laimbeer. pic.twitter.com/9aTQgnW3n4
— First Take (@FirstTake) April 14, 2020
