Një tjetër pacient, e infektuar nga Covid 19, ka ndërruar jetë, duke rritur në këtë mënyrë bilancin negative.
Mësohet se paciejti 82 vjeçar ndodhej e shtruar në spitalin Shefqet Ndroqi, i shndërruar në Covid2.
Raportohet se pacienti ishte nga Shkodra dhe ishte në gjendje të rëndë shëndetësore. Pacienti ishte zhvendosur nga spitali i Shkodrës drejt atij Shefqet Ndroqi dy ditë më parë.
Referuar shifrave të deklaruara nga Ministria e Shëndetësisë, numri i personave që kanë humbur jetën nga Covid 19 është 25, ndërkohë që për tre pacientë të tjerë të infektuar nga koronavirusi, është thënë se kanë vdekur nga sëmundjet që i kanë bashkëshoqëruar.
Edhe për rastin në fjalë pritet që Ministria e Shendetësisë të deklarojë si shkakun e vdekjes tromboembolinë pulmonare, pasi paciente ishte i infektuar me Covid-19, por nuk ka shfaqur shenjat.
