Emigrantë shqiptarë po futen çdo ditë në Shqipëri nga pika doganore e Kapshticës. Mësohet se 130 shqiptarë janë akomoduar në 3 hotele, 2 në Korçë dhe 1 në Pogradec, ku do të qëndrojnë për 14 ditë në karantinë. Shpenzimet për 35 të parët i ka mbuluara Këshilli i Koordinimit të Diasporës, ndërsa të tjerët i paguajnë vetë si shpenzimet ashtu edhe akomodimin në hotel.
Pak ditë më parë, kryeministri Edi Rama deklaroi se do të lejohen të futen në tokën shqiptare, vetëm personat që janë rezidentë në Shqipëri. Ai ka sqaruar se shqiptarët që do të futen në atdhe do të karantinohen për 14 ditë në hotele dhe do të paguajë vetë shpenzimet. Ndërsa, për personat që janë rezidentë në shtete të tjera, nuk do të futen në atdhe derisa të përfundojë pandemia.
