Ish- Shefi i Shërbimit Sekret të Britanisë së Madhe (MI6) John Sawers ka deklaruar se “Kina ka fshehur informacion thelbësor në lidhje me shpërthimin e koronavirusit, madje se këtë gjë e ka mbajtur të fshehtë nga pjesa tjetër e botës.”
Kështu deklaron ish-shefi i Shërbimit Sekret të Britanisë së Madhe (MI6) John Sauers, ku thekson dhe se për këtë gjë duhet të mbajë përgjegjësi.
Një ditë më parë të njëjtë akuzë hodhi dhe sekretari amerikan i Shtetit, Mike Pompeo, ku dhe ai tha se do të vijë koha kur përgjegjësit do të japin llogari
Më herët, edhe presidenti amerikan Donald Trump ka thënë se do të ndalë fondet për OBSH-në, kurse ka akuzuar organizatën ndërkombëtare se “mban anën e Kinës”. Po ashtu, Trump ka thënë se Kina ka mbajtur të fshehtë fillimisht shpërthimin e koronavirusit.
Ndërsa Sawers, tha se do të ishte më mirë që përgjegjëse për Covid-19 të jetë Kina sesa OBSH-ja.
“Ka një zemërim të thellë në Amerikë në lidhje me atë që po ndodh. Ata janë të bindur se gjithcka ua shkakton Kina. Kina po i shmanget përgjegjësisë për origjinën e virusit, e po ashtu për dështimin që të merrej fillimisht me të”, tha Sauers për BBC. Ai ka shtuar se inteligjenca ka arritur të marrë informacion se koronavirusi në Kinë ishte përhapur që në dhjetor e janar dhe autoritetet kineze e kanë fshehur atë, në vend se ta luftojnë.
