Nuk ekziston asnjë dëshmi që personat që bëjnë banjë dielli të rrezikojnë ta përhapin koronavirusin. Sipas sociologut britanik, Robert Dinguoll, shijimi i diellit pranveror nuk ka asnjë problem për sa kohë që ruhet distancimi social.
Ai po ashtu u tregua mjaft kritik ndaj strategjisë së ashpër të zbatuar nga qeveria britanike, duke sugjeruar se rreziqet e transmetimit të virusit jashtë nuk janë aq të mëdha sa ç‘pretendohet.
Këto komente vijnë në një kohë kur qeveria britanike po diskuton planin e masave që mund të merren në një të ardhme të afërt për heqjen e disa prej masave shtrënguese që ajo shpalli afro një muaj më parë kur gjendja e koronavirusit në vend filloi të rëndohej.
