Leo Messi është një nga njerëzit me influencë më të madhe në botë. Argjentinasi aktualisht është ende në vetizolim në shtëpinë e tij bashkë me familjen e tij, për shkak të krizës së coronavirusit.
Gjatë kësaj kohe, Messi ka më shumë kohë të lirë dhe por është në dijeni të gjithçkaje ndodh në rrjetet sociale, nga ku merr mesazhe dhe video kushtuar atij, si në rastin e djalit të vogël iranian, Arat Hosseini.
6-vjeçari Hosseini postoi një video, ku tregon aftësitë e tij me top, që kulmuan me një roveshatë spektakolare, të cilën ia kushtoi 6 herë fituesit të “Topit të Artë”. Në fillim të regjistrimit, ai kishte një mesazh dashurie për argjentinasin.
“Përshëndetje Lionel Messi, ju dua!” Pas një seri ushtrimesh spektakolare, qershia mbi tortë ishte roveshata që përfundoi në portën e improvizuar.
Leo Messi, pasi mësoi për videon e djalit të vogël iranian, menjëherë e falënderoi për gjestin. “Faleminderit Arat! Unë shoh shumë klas tek ti, është mbresëlënëse! Ju përqafoj!”
Que tal com 6 anos já saber fazer gol de bicicleta e ainda ter seu vídeo comentado pelo Messi? Arat Hosseini, 6 anos, garotinho iraniano!!! pic.twitter.com/pQ6lcrr0cx
— Raphael Sibilla (@RaphaelSibilla) April 14, 2020
