Bashkimi Europian vendosi të rishikojë buxhetin e vitit 2020, duke e rritur me 3,5 miliardë euro shtesë, ku pjesa dërrmuese i është kushtuar luftës kundër pandemisë së koronavirusit.
Sipas shifrave të bëra publike nga Komisioni Europian, 3,1 miliardë euro do të shkojnë për të përballuar krizën e shkaktuar nga Covid-19, tashmë jo vetëm shëndetësore, por edhe ekonomike.
Prej kësaj shume, 2,7 miliardë euro do të përdoren për si Instrument i Mbështetjes në raste Emergjencash, ndërsa 415 milionë euro në mekanizmin e mbrojtjes civile të Bashkimit Europian.
Paratë do të shpenzohen për blerjen dhe shpërndarjen e pajisjeve mbrojtëse mjekësore te vendet anëtare, transportimin e pacientëve nëpër spitale të shteteve të tjera anëtare, zhvillimi i metodave testuese dhe mjekësore, si dhe financimin e riatdhesimeve të shtetasve të vendeve të unionit.
Një shumë e konsiderueshme, rreth 350 milionë euro, do të shkojnë për Greqinë, specifikisht për të përballur krizën e emigrantëve.
