Në 24 orët e fundit janë zbuluar 21 raste të reja me koronavirus nga 193 teste të kryera. Numri total i të prekurve nga Covid 19 ka arritur në 467 raste, ndërsa mes pacientëve të rinj janë edhe 1 personel mjekësor dhe dy fëmijë.
Në 24 orët e fundit janë shëruar 5 pacientë, ndërsa në total numri i të shëruarve arrin në 232 persona.
Sipas Ministrisë së Shëndetësisë, rastet e zbuluara në 24 orët e fundit janë kontakte të personave që më parë janë infektuar nga koronavirusi.
Referuar të dhënave zyrtare, 13 nga 21 rastet e reja i përkasin Shkodrës, ndërsa në Tiranë harta është zgjeruar me 6 raste, ndërsa në Durrës dhe Has janë zbuluar nga 1 rast.
Në spitalin Infektiv në Tiranë janë shtruar 43 pacientë, ndërsa në spitalin Shefqet Ndroqi, i kthyer në “Covid2” ndodhen 9 pacientë, nga të cilët 7 në terapi intensive, ndërsa 5 prej tyre janë në intubim.
