Odise Roshi dhe Bekim Balaj, prej vitesh janë miq shumë të mirë. Pikërisht edhe tani, ndonëse luajnë në liga të ndryshme karantinën janë duke e kaluar së bashku, teksa Roshi ka udhëtuar në drejtim të Austrisë për të qëndruar me mikun e tij.
Në një prononcim të dhënë së fundmi për Supersport, futbollistët kanë treguar se nëse kthehen në Kategorinë Superiore, ku do të donin të luanin.
“Kemi bërë stërvitje deri në 2 prill dhe më pas klubi na dha leje të largoheshim. Doja të vija në Shqipëri, por kufijtë ishin të mbyllur dhe erdha te Bekimi në Austri. Ndihet mungesa e Balajt? Me largimin e tij ekipi ka çaluar shumë në sulm edhe çunat thonë pse u largua. Ndoshta bëri zgjedhjen e duhur pasi po bën një kampionat shumë të bukur. Kalim në Austri? Pse jo bëhet një futboll shumë i bukur, sidomos kur ndjek ndeshjet dhe kuptoj që këtu është shumë bukur”.
Goli ndaj Portugalisë? Kur fola me Balajn para disa ditësh, i kujtova që i kisha thënë se do të shënojë në atë ndeshje. Nuk ka shumë lek hajdutllëku dhe u bëra futbollist, për shkak të shpejtësisë. (qesh). Nëse do të rikthehesha në Shqipëri, do të më pëlqente të luaja në kryeqytet.”, u shpreh Roshi për “Supersport”.
