Frank Lampard ka deklaruar se Chelsea ka gati disa plane për merkaton e transferimeve në varësi se si tregu i lojtarëve do të ndikohet nga pandemia e coronavirusit.
Merkato e transferimeve në Premier League ishte parashikuar të hapej më 10 qershor, por paqartësitë e shumta nga Covid-19 e bën këtë datë për momentin të pavlefshme.
Në një intervistë për “Sky Sports”, legjenda e “Bluve” thotë që është i lumtur me lojtarët që ka por me talente të tillë si, Jadon Sanco apo Moussa Dembele që ndodhen në merkato, pritshmëritë e fansave janë të mëdha.
“Ne kemi shumë lojtarë të ri të talentuar, rreth tyre kemi pasur disa lojtarë me eksperiencë që i kanë ndihmuar gjatë këtij viti, por gjithashtu jemi në dijeni të zonave se ku duhet të përmirësohemi. Disa gjëra mund t’i përmirësojmë me kontingjentin që kemi, për disa të tjera lëvizjet në tregun e transferimeve janë pak a shumë të detyruara”.
“Por ajo se çfarë po ndodh në botë aktualisht e ka bërë shumë të vështirë të bëjmë planifikime për transferuat. Gjithsesi mund të them që kemi versione të ndryshme për të ardhmen në varësi se si ajo do të duket”.
