Një pacient, i shtruar në repartin e reanimacionit në spitalin e Shkodrës, ka humbur jetën mëngjesin e sotëm.
Nga raportimet mësohet se shtetasi me inicialet M. S, ndërroi jetë në orën 04:30 të mëngjesit të sotëm.
Pacienti ishte pozitiv me covid 19. Mostra e pacientit për të bërë analizat ndaj covid është marrë mëngjesin e djeshëm ku ka rezultuar pozitiv me covid.
Por në raportimet zyrtare të Ministrisë së Shëndetësisë lidhur me rastet me Covid-19, nuk u raportua rast i ri për vdekjet, ndërsa shifra zyrtare e deklaruar e vdekjeve nga Covid-19 në Shqipëri është 23, aq sa është raportuar 4 ditë më parë.
Ndërkohë sa i takon pacienteve të tjerë në Shkodër, mësohet se dy prej të shtruarve janë dërguar në Tiranë për mjekim më të specializuar pasi rezultojnë pozitiv.
