Lorik Cana, aktualisht ndodhet në Itali prej disa javësh, ku është i vetë izoluar për shkak të përhapjes në masë të coronavirusit në vendin fqinj.
Së fundmi, ish-kapiteni i Shqipërisë, ka dhënë një intervistë për Klan Kosova, ku shprehur shqetësimin e tij mbi gjendjen aktuale që po kalon Italia dhe bota në përgjithësi, ndërsa është ndalur edhe në ndeshjen e famshme mes Serbisë dhe Shqipërisë në Beograd.
Coronavirusi- “Kam humbur miq të afërt nga koronavirusi. Ka vdekur ish-presidenti i Marseille, me të cilin kam pasur një afërsi të madhe. Gjithashtu, edhe një mik në Londër, i cili njihet shumë nga komuniteti shqiptar në Londër. Ky virus është duke u përhapur me të madhe”.
“Është periudha më e vështirë që prej Luftës së Dytë Botërore, kjo situatë është tejet e rëndë. Më duket një gjendje shokuese, po humbin jetën shumë persona nga ky virus, por populli është i bashkuar. Nuk i kam dëgjuar italianët ta këndojnë himnin përveç në futboll, por kjo po ndodh edhe tani. Njerëzit po mundohen të jenë sa më të ndërgjegjshëm”.
Ndeshja në Beograd – “Nuk e kam kujtuar të them të drejtën, por ma kujtojnë të tjerët. Kjo situatë kishte marrë jehonë të madhe aso kohe. Në përgjithësi është një histori me të mira dhe të këqijat e veta. Nuk e kisha ndryshuar për asnjë presje”.
