Romelu Lukaku para pak ditësh u rikthye përsëri në Itali dhe sapo ka filluar karantinën e detyrueshme prej 14 ditësh.
Gjatë kësaj kohe me shumë pak gjëra për të bërë, belgu ka menduar që në kohën e lirë të argëtojë tifozët zikaltër me një lidhje direkte në “Instagram”. Sulmuesi i Interit u është përgjigjur disa pyetjeve dhe ka pasur edhe një shkëmbim batutash me Marcelo Brozoviç.
Fillimisht kroati, e përshkroi Lukakun si të shëmtuar, ndërsa ky i fundit nuk është përmbajtur. Gjithmonë në kuadër të shakasë, pasi të dy kanë një raport shumë të mirë me njëri-tjetrin. Lukaku është kapur me modelin e ri të flokëve të Brozovic, i cili vendosi të bëhet biond kohët e fundit.
“Marcelo, ti je më i shëmtuar se unë, dukesh si një aktor filmash për të rritur me atë model flokësh. S’më pëlqen aspak, kështu që ktheju modelit të vjetër”, ishte përgjigja e bomberit
