Në këtë të dielë të Pashkëve, kryedemokrati Lulzim Basha ka një lutje të veçantë për ata që sot po përballen me virusin COVID-19, për bluzat e bardha, punonjësit e policisë dhe për familjet në nevojë.
Në një postim në rrjetet sociale ai uron në këtë ditë të veçantë të Ringjalljes së Jezu Krishtit dhe uron se drita e shpresës dhe kurajos ndeztë në zemrat dhe mendjet e çdo familje shqiptare besimin se ditë më të mira na presin.
Postimi i plotë:
Të dashur motra dhe vëllezër që kremtoni këtë ditë të shenjtë të Pashkës dhe Ringjalljes së Jezu Krishtit, unë dhe familja ime ju urojmë nga zemra, për shumë vjet Pashkët!
Një urim dhe lutje të veçantë kam sot për ata që po përballen me sëmundjen, për personelin shëndetësor, për punonjësit e policisë, të forcave të armatosura, për klerikët dhe shërbëtorët e Zotit, për prindërit dhe vogëlushët në familjet në nevojë, për të moshuarit, për të sëmurët e më të pamundurit.
Në këto kohë të vështira, drita e shpresës dhe kurajos ndeztë në zemrat dhe mendjet e çdo familje shqiptare besimin se ditë më të mira na presin.
Zoti ju bekoftë ju dhe familjet tuaja, Zoti e bekoftë Shqipërinë dhe shqiptarët kudo ku janë!
Ndërkohë që kryeministri Rama ka zgjedhur të urojë shkurt “Pashkë të Gëzuara” duke e shoqëruar postimin me një video.
https://www.facebook.com/edirama.al/videos/276505033345676/?__xts__[0]=68.ARB9zCe3RbKq_b0fudNei7eIEKWzDNZVzCwc45KPzDjbI1YYUWvBi4QQ8x1jPQoWWKhcOTLuw8yBZKiW0jmSnCDKQG6uLlf8fdxOTKlECqmfWcKswgV_kUrmdT38No5zGHtb88JFL8ekdaEoXxNgMQxDC4H4ATGH2wLIjXv4sC5QR2PDO7Aa87twkHK5h3FI-RAnsB5GiCM9pK7mqO5bbVwjVhXUbQweShPbPZ1z18m_8cyZ29ZGUYUmkSCpBwRiRG1HIOyRDMtqOAErCFqaOTHbcYyVwcEO2laJJaNyMnz841wihpBNmBASnWRikdjYZaMY91e36ShAcbYLYlUtxzO64wGSfIOn&__tn__=-R
