Një nga shkencëtarët më të mirë në Britaninë e Madhe paralajmëron se vendi i tij mund të bëhet shteti me më shumë viktima në Evropë nga virusi i ri COVID-19
Sir Jeremy Farrar, drejtor i “Wellcome Trust”, është shprehur se rritja e numrit të testeve mund të të blenë ca kohë për t’u përballur me krizën dhe se nga ky fakt ka vend për të marrë mësime.
I pyetur tri herë nëse ishte dakord me mundësinë që Anglia mund të kthehet në një nga vendet më të goditura nga koronavirusi në Evropë, ai nuk iu përgjigj në mënyrë direkte pyetjes.
“Vende të ndryshme janë në stade të ndryshme të ciklit. Jemi në trajektore të ndryshme. Ajo që kemi bërë me këshillat që u kemi parashtruar tani njerëzve, për të qëndruar në shtëpi, është pikërisht sepse ne duam të sigurohemi që kemi një sheshim të kurbës, që shkalla e infeksionit mos të rritet, dhe në fund të fundit jetët e njerëzve të shpëtohen. Ne kemi filluar t’i shohim këto masa që funksionojnë, por ato do të qëndrojnë në vend derisa të kemi këshilla të reja nga Sage (këshilltarët shkencorë të Qeverisë).” – u shpreh Ferrar.
