Legjenda e garave me makina, Sir Stirling Moss, ka vdekur sot në moshën 90-vjeçare, pas një sëmundjeje të gjatë.
Moss u tërhoq nga jeta publike në janar të vitit 2018, për shkak të problemeve të vazhdueshme shëndetësore.
Ai vlerësohet nga shumë si njëri prej shoferëve më të mirë në histori të Formula 1, edhe pse asnjëherë nuk e kishte fituar titullin e botës.
Ai ishte aktiv në F1 për 10 vjet (1951–1961). Moss zuri vendin e dytë katër herë në Formula 1 dhe u shpall Personaliteti Sportiv i Vitit më 1961. Në 67 gara në F1, ai arriti 16 fitore dhe po kaq “pole positions”.
