Edhe dy mjekë fitojnë betejën me COVID-19, shkon në 32 numri i personelit shëndetësor të shëruar

Dy prej 20 pacientëve me COVID-19 të shëruar në vendin tonë në 24 orët e fundit janë mjekë.

Këtë gjë e ka bërë të ditur, ministrja e Shëndetësisë, Ogerta Manastirliu, e cila në një postim në Facebook shkruan se ky është një lajm shpresëdhënës në këtë ditë simbol të triumfit të jetë.

Ata kanë rezultuar negativ pas testit konfirmues të COVID-19.

LEXO EDHE  Skandali/ KLGJ nuk verifikoi pasurinë e Sokol Sadushit para emërimit në Gjykatën e Lartë (Dokumenti)

Ndërkohë që ka shkuar në 32 numri në total i personelit mjekësor që kanë fituar betejën me koronavirusin.

Deri më tani autoritete e shëndetësisë kanë konfirmuar 446 raste me COVID-19 në vendin tonë. Ndërkohë që 217 prej tyre janë shëruar, ndërsa 23 kanë humbur jetën.