Daniele De Rossi së bashku me ikonën, Françesco Totti, janë ndoshta dy lojtarët më besnikë në historinë e Romës.
Por një deklaratë fundit e italianit, nuk është pritur mirë nga tifozët romakë. Ish-mesfushori italian ka zbuluar se gjatë karrierës së tij, gjithmonë ka pasur dëshirën që të luajë për ekipin anglez të Manchester United:
“Gjithmonë kam dashur të luaj për Manchester United. E kam dashuruar atë skuadër që kur kam qenë fëmijë”, u prononcua De Rossi për SkySport Italia.
De Rossi e ka mbajtur të veshur fanellën e Romës për plot 17 sezone (2002/03 -2019/20), ndërsa ka pasur oferta të shumta nga disa klube të mëdha por gjithmonë ka refuzuar një largim nga Roma.
