Në mes të pandemisë së coronavirusit, ylli i Juventusit, Cristiano Ronaldo ka ndarë një mesazh bashkimi dhe solidariteti për të bërë bashkë njerëzit në luftën kundër virusit.
Portugezi e bëri këtë ndërsa postoi dy foto me maska që tregonin flamurin e vendit të tij të lindjes dhe vendit në të cilin ai jeton, me Italinë që është prekur rëndë nga virusi vdekjeprurës.
“Në këtë moment shumë të vështirë për botën tonë është e rëndësishme që ne të bashkohemi dhe ta mbështesim njëri-tjetrin, Le të bëjmë të gjithë atë që mundemi për të ndihmuar.” – postoi ai
Cristiano Ronaldo ndodhet akoma në Portugali ndërsa nuk dihet data e rikthimit në Torino.
