Stefano Sensi është një emër që rrethohet nga shumë pikëpyetje, pasi Inter ka dyshime nëse duhet ta blejë përfundimisht kartonin e tij apo jo. Këto dyshime duket se i ka shuar së fundmi trajneri Conte.
Sipas asaj që raporton “Gazzetta dello Sport”, numri një i stolit zikaltër ka kërkuar me çdo kusht që Sensi të bëhet përfundimisht lojtar i Interit. Sipas gjasave, klubi nga “San Siro” do të paguajë te Sassuolo diçka më shumë se 20 milionë euro.
Sensi e nisi në mënyrë perfekte sezonin, duke qenë një ndër më të rëndësishmit në ekip, por disa dëmtime të njëpasnjëshme e ndalën mesfushorin shtatshkurtër.
