Gjashtë anëtarë të bordit drejtues te Barcelona kanë dhënë dorëheqjen dhe i kanë komunikuar presidentit Josep Maria Bartomeu, se ata janë të pakënaqur me mënyrën se si po menaxhohet klubi.
Dorëheqja është paraqitur nga, Emili Rousaud , Enrique Tomba, Silvio Elias, Maria Teixidor, Josep Pont dhe Jordi Calsamiglia.
Në një letër të përbashkët, të gjashtë shprehën shqetësimin në rrugën që po ndjek klubi kohët e fundit.
Ndër të tjera ata kritikuan mënyrën se si u menaxhua skandali në muajin shkurt, ku klubi i Barcelonës u detyrua të mohonte akuzat se persona brenda klubit po organizonin hedhjen e baltës ndaj lojtarëve dhe klubit nëpër mediat sociale.
Por më pas presidenti, Bartomeu, për këto akuza vendosi të shkarkojë Huame Masferrer, drejtor afër Presidencës së klubit.
