Blogerja Armina Mevlani, partnerja e djalit të ish-kryeministrit Sali Berisha, Shkëlzeni, ka treguar për ndjekësit se çfarë e lidh dyshen e njohur me Comon në Itali.
Armina tha se në Como, tek një stol, ka marrë propozimin e parë nga Shkëlzeni, një propozim krejtësisht spontan.
“Historia me Comon është e tillë, në udhëtimin e parë në vitin 2014, Zeni dhe unë pamë një vend që e pëlqenim të dy dhe u bë si traditë që çdo përvjetor shkonim aty. Tek ai stol kam marrë edhe propozimin e parë, spontan. Dasmën me siguri do ta bëj në Shqipëri sepse kam dëshirë të ftoj shumë vetë, dhe jashtë është vështirë organizimi,“- shkruan Armina.
Armina ka treguar gjithashtu se dasmën me siguri do ta bëjë në Shqipëri sepse dëshiron të ketë shumë të ftuar.
Koronavirusi i ka lënë shumë gjëra pezull blogeres, por jo dasmën, pasi nuk kishte bërë plane konkrete.
“Mbetën shumë gjëra pezull për shkak të koronës, por jo dasma. Ende nuk kisha diçka konkrete,“- shkruan Mevlani më tej.
