91 pacientë të cilët mendoheshin se ishin shëruar plotësisht nga koronavirusi kanë rezultuar sërish pozitiv, njoftojnë autoritetet e shëndetësisë në Korenë e Jugut.
Perspektiva që njerëzit të riinfektohen nga virusi është shqetësim ndërkombëtar, pasi shumë vende shpresojnë se popullsitë e infektuara do të zhvillojnë imunitet të mjaftueshëm për të parandaluar ringjalljen e pandemisë, raporton Reuters.
Jeong Eun-kyeong, drejtori i Qendrave Koreane për Kontrollin dhe Parandalimin e Sëmundjeve (KCDC), tha në një konferencë për shtyp se virusi mund të jetë riaktivizuar te pacientët dhe jo që ata janë riinfektuar.
Ekspertë të tjerë mendojnë se mbetjet e virusit mund të jenë akoma në sistemet e pacientëve, por nuk përbëjnë rrezik për bartësin ose të tjerët.
Gati 7 000 koreano-jugorë janë raportuar si të shëruar nga COVID-19 deri tani.
