Krahas qytetarëve edhe azilantët vijojnë të qarkullojnë të lirë në rrugët e Tiranës. Një i ri nga Algjeria ka mbërritur në Shqipëri 12 ditë më parë ndërsa shprehet se nuk e kanë testuar. I riu shprehet se në kampin e azilantëve mungojnë shërbimet bazë, dhe detyrohen të dalin jashtë kampit.
Në kohën kur I gjithë vendi ndodhet në shtetrrethim për shkak të masave kundër koronavirusit, në rrugët e kryeqytetit konstatohen mjaft azilantë që lëvizin të lirë dhe pa autorizim. Ky i ri me kombësi algjeriane, ka mbërritur në Tiranë para 12 ditësh dhe është vendosur në qendrën e azilantëve në Babrru.
“Kam ardhur në Tiranë para 12 ditësh, erdha nga Greqia dhe udhëtova në këmbë. Qëndroj në kampin e azilantëve, por dua të iki drejt Evropës.”
Ai shprehet se pas mbërritjes në Shqipëri nuk e ka testuar njeri nëse është i prekur me Covid-19, pavarësisht se hyrë në territorin shqiptar në kulmin e pandemisë.
“Jemi 10 persona në një dhomë, nuk kemi bërë testim për virusin, nuk kemi as masa mbrojtëse.”
I riu nga Algjeria gjithashtu shprehet se kushtet në kamp janë jo të mjaftueshme, dhe detyrohen të dalin jashtë rrethimit për të blerë ushqime.
“Dalim të blejmë në markete pasi ushqimi që na japin nuk është i mjaftueshëm dhe i mire.”
Në rrugët e Tiranës vërehen mjaft shtetas të huaj të cilët kanë mbërritur se fundi në Shqipëri dhe qarkullojnë pa autorizim dhe pa masa mbrojtëse, duke u kthyer në një rrezik të përhapjes së COVID-19./OraNews.tv
