Pas 32 ditësh Ronaldinho është liruar nga burgu i Paraguait në Asuncion, ndërsa gjykatësit kanë vendosur për të “arrest shtëpie”.
Legjenda e futbollit botëror, u arrestua së bashku me vëllanë e tij për shkak se u futën në vendin amerikano-jugor me dokumento të falsifikuara, ndërsa për të dalë nga burgu ata kanë paguar 1.6 milionë dollarë.
Së fundmi televizioni ABC në Paraguai, ka publikuar një video ku shfaqet gjyqtari Gustavo Amarilla ndërsa i komunikon Ronaldinhos vendimin, si dhe i shpjegon atij rregullat që duhet të ndjekë gjatë arrestit shtëpiak.
