FIFA nuk ka ndërmend që t’i vendosë limite sezonit aktual dhe as merkatos që do të vijë, por qeveria e futbollit botëror ka kushtet e saj në një kohë që bota po përballet me pandeminë e koronavirusit dhe kushti numri një i saj është shëndeti i të gjithëve.
“Futbolli në këto kohë nuk është prioritet dhe nuk duhet të vëmë askënd nën presion. Derisa të ekzistojë rreziku nuk do të luhet dhe do të presim dy-tre javë, do të presim kohën e nevojshme”, thotë Ganni Infantino, presidenti i FIFA-s, gjatë një lidhjeje të drejtpërdrejtë në “Instagram” me Ronaldon Fenomenin.
