Ndërkohë që numri i të prekurve me koronavirus në Shqipëri ka arritur në 400, duket se ka një rritje të numrit të pacientëve të shëruar.
Një ditë më parë Ministria e Shëndetësisë njoftoi se 154 pacientë janë shëruar, ndërkohë që Ogerta Manastirliu njoftoi mëngjesin e sotëm se edhe 11 pacientë të tjerë janë shëruar.
“Lajm i mirë: 11 të shëruar sot”, shkruan Manastirliu.
Kjo do të thotë se numri i pacientëve të shëruar ka arritur në 165 pacientë.
Nga Covid-19, në Shqipëri kanë humbur jetën 22 persona. Një ditë më parë, Ministria e Shëndetësisë, njoftoi zbulimin e 17 rasteve të reja me Covid-19, një shifër kjo 3 herë më e lartë se numri i pacientëve të evidentuar dy ditë më parë.
