Florian Jungwirth, mbrojtës i San Jose Earthquakes në MLS, ka treguar një histori rreth Zlatan Ibrahimovich, në një nga ndeshjet që mbrojtësi ka markuar sulmuesin suedez, në kohën kur ai luante me LA Galaxy.
Duke iu përgjigjur disa pyetjeve në “Instagram”, Jungwirth u pyet rreth përballjes për herë të parë me Ibrahimoviç, në të cilën ai u përgjigj:
“Mendoj se ishte në vitin 2018 kur luajta ndaj Zlatan për herë të parë. Në atë ndeshje ai i bërtiste dhe fyente të gjithë shokët e skuadrës. Për 90 minuta vetëm bërtiste. Ishte thjesht qesharake. Të gjithë në ekipin e tij e kishin frikë dhe unë qeshja pasi të gjithë dukeshin si fëmijë të vegjël që kanë frikë nga reagimi i babait të tyre”.
