Koronavirusi është shndërruar në një kërcënim serioz për shumë shtete të botës, ndërkohë shkencëtarët vijojnë përpjekjet për gjetjen e një vaksine.
Situata paraqitet kritike edhe në Mbretërinë e Bashkuar, si pasojë e COVID-19. Ndërkohë Gjermania ka shprehur solidaritetin e saj, duke i dhuruar 60 respiratorë.
Një zëdhënës i ministrisë gjermane konfirmoi një raport në “Der Spiegel”, sipas të cilit Forcat Federale të Mbrojtjes do të dërgojnë 60 respiratorë në Britani sa më shpejt që të jetë e mundur.
Ministria gjermane tha se nuk do ta faturojë Britaninë e Madhe për respiratorët. Kujtojmë se Mbretëria e Bashkuar ka marrë 480 respiratorë nga jashtë që nga fillimi i muajit mars.
