Hernán Crespo, ish-sulmuesi i njohur argjentinas, ka dhënë një intervistë për gazetën “Ole” duke dhënë dhe opinionin e tij për bashkëkombësin, Lionel Messin.
Crespo tha se do të dëshironte shumë që “ylli” i Barcelonës të fitonte Kupën e Botës me kombëtaren, por që gjithsesi është i mendimit që mungesa e saj nuk do të ndikonte trashëgiminë e tij në futboll.
Crespo më tej ka deklaruar se Messi nuk është thjesht një lojtar i madh, por përtej futbollit ai mbetet shembulli i një profesionisti të jashtëzakonshëm.
“Do të doja shumë ta shihja Leon kampion bote me Argjentinën. Ajo që ai bën shkon shumë më larg sesa si një lojtar apo sportist, ai është shembull i një profesionisti, me seriozitet, ndershmëri, gjithmonë i saktë. Messi tejkaloi pritshmëritë në të gjithë botën dhe unë mendoj se ai është shumë më tepër sesa një lojtar i shkëlqyer i futbollit. Kupa e Botës për të është një trofe më shumë, nuk e ndryshon trashigëminë e tij. Në fakt, nëse mendoni për këtë, në një farë mënyre, futbolli i detyrohet Messit një Kupë Bote”.
