Ish-lojtari i Liverpoolit, John Arne Riise dhe vajza e tij 19-vjeçare, Ariana janë shtruar në spital pasi pësuan një aksident automobilistik në norvegji.
Fatmirësisht si Riise ashtu dhe e bija nuk kanë pësuar dëmtime serioze, ndërsa ndodhen në spital si masë paraprake.
Ngjarjen e ka rrëfyer gazetari Erland Bakke, për “Dagbladet”: “Ishte duke çuar vajzën në shtëpi dhe përpara se të mbërrinte diçka e bëri që të frenonte papritur dhe ta nxirrte makinën jashtë rruge”.
“Megjithatë, të dy janë jashtë rrezikut për jetën dhe pak më mirë, edhe pse të tronditur. Policia është duke hetuar mbi pistat e mundshme që kanë shkaktuar këtë aksident që mund t’i merrte jetën”.
Riise i dha fund futbollit të luajtur në vitin 2017, ndërsa tashmë jeton së bashku me gruan e tij, Louise Angelica dhe katër fëmijët në vendlindjen e tij.
