Ashtu si në pjesën më të madhe të vendeve europiane edhe në Angli situata nga coronavirusi shfaqet e rënduar. Futbolli në ishull është ndalur totalisht, ndërsa skuadrat nuk janë rikthyer as në seancat stërvitore.
Por duke se dhe në një situatë të tillë Jose Mourinho kërkon maksimumin nga skuadra e tij ose e thënë më mirë nga disa lojtarë të tij. Në padijeni të Totenhemit, portugezi ka organizuar një mini-stërvitje në një park në veri të Londrës me tre lojtarë: Davinson Sanchez, Ryan Sessegnon dhe Tanguy Ndombele.
Ashtu siç raporton “Daily Mail”, të gjithë kanë shkelur rregullin qeveritar sipas të cilit dikush mund të kryejë aktivitet fizik në natyrë i shoqëruar vetëm nga një person i familjes. Sançez dhe Sesegnon, ndër të tjera, janë parë të vrapojnë krah njëri-tjetrit, duke mos respektuar as distancën sociale, që në Angli është dy metra.
