Thomas Muller nënshkroi ditën e djeshme një kontratë të re me Bayernin e Munihut, që do ta mbajë atë në klub deri në vitin 2023. 30-vjeçari është pjesë e bavarezëve që prej sezonit 2008-2009 dhe ka arritur të shkruajë historinë me këtë klub.
Herbert Hainer, presidenti i Bayern Munich, ka folur për nënshkrimin e kontratës të Muller, duke e cilësuar lojtarin si një hero dhe simbol të Munihut.
“Thomas Muller është një hero, një symbol i Bayern Munich. E ka kaluar të gjithë karrierën futbollistike këtu dhe tani nën drejtimin e Hansi Flick ai po shkëlqen përsëri”.
“Ai të siguron shumë asiste, është një lojtar i shkëlqyer dhe mendoj se Thomas Muller i përket Bayernit të Munihut, ashtu si Oktoberfest i përket qytetit të Munihut”. – raporton “Goal”.
