Virus dhe politikë, Shkodra si “ishull i harruar”, gjenerali paralajmëron…!

Nga Boldnews.al

Pas Tiranës, qyteti i Shkodrës mban numrin më të lartë të të infektuarve me “COVID-19”, me 44 raste deri ditën e sotme nga 377 në total në të gjithë vendin. Krahas numrit disi të lartë, habi bëjnë deklaratat e kryeministrit Edi Rama, që si fillim ka pasur një “lutje” specifike për qytetarët e Shkodrës, duke u kërkuar të respektojnë masat, pasi ai qytet është kthyer si “minë me sahat”.

Në daljen e gjatë të mesditës, kryeministri Edi Rama u ndal specifikisht për situatën me coronavirusin në këtë zonë. “Dua t’iu bëj apel gjithë banorëve të Shkodrës: Ju lutem shumë bëni kujdes maksimal dhe respketoni rregullat, se është kthyer Shkdora në një bombë të kurdisur me sahat. Ne po punojmë shumë fort për të bërë gjithcka mundemi për të këputur zinxhirin e infeksionit, por në fund të ditës është disiplina e hekurt dhe masat e vet banorëve”-tha Rama.

Po përse nuk u “këput” ky zinxhir infektimesh më parë? Shkodra nuk bën përjashtim nga qytetet e tjera, po ndjek rregullat ashtu si kudo. Me lëvizje në orarin e përcaktuar dhe më pas ka edhe raste si në çdo qytet dhe qytezë tjetër, që disa qytetarë me dhe pa arsye të forta i shkelin këto rregulla, duke thyer karantinën.

Aspak rastësisht, para se Rama të bënte këtë deklaratë, në Shkodër ishte i pranishëm edhe Ministri i Brendshëm Sandër Lleshaj, i cili mbante edhe një maskë në hundë (jo nga ato që të mbrojnë nga gazi lotsjellës), duke lëshuar një sfidë dhe kërkuar “pergjegjës” aty ku nuk janë.

“Ardhja në Shkodër është për masat e marra nga ana e autoriteteve, nga ecuria negative, nga mungesa e përgjegjësisë. Masat janë të pjesshme, kemi tregje me shitës më shumë se blerës. Maska të vihet, të kujdesen për veten dhe të tjerët. Do thellohen masat në Shkodër, policia do veprojë dhe ju ftoj të përhapni mesazhe sensibilizuese, të evidentojmë grumbullimet”-tha ministri Lleshaj.

LEXO EDHE  Zgjedhorja, Komisioneri për Zgjerimin: Mos humbni shansin për konsensus. Basha: Jemi të angazhuar

Të dy drejtuesit e lartë të qeverisë nuk po paralajmërojnë, apo sensibilizojnë, por thjesht por po justifikohen për një dështim të tyrin, duke bërë përgjegjës indirekt qytetarët dhe kryetaren e bashkisë, e cila ka mbetur e vetme nga opozita ende në detyrë. Kjo është ajo që vret më shumë se një virus, duke lënë tërësisht jashtë vëmendjes një qytet të tërë dhe jo pa qëllim.

Fakti është se në Shkodër ka më shumë se një virus epidemik, pasi “virus politika” po i vjen përqark, duke mbetur bashkia e vetme që në zgjedhjet njëpartiake të 30 qershorit pati numrin më të ulët të pjesëmarrësve në votime, por është edhe jashtë kontrollit Rilindje, pas ikjes me detyrim të kandidatit Valdrin Pjetri, për të cilën u vërtetua se kishte fshehur të kaluarën kriminale.

Kryeministri flet për të “shkëputur zinxhirin e infektimeve”, por ai zinxhir në këtë qytet po i trash fort hallkat dhe kjo lidhet pikërisht me politikën shumë të gabuar të mungesës së testeve masive. Më rëndë po e pëson Shkodra dhe në këtë situatë, këtë qytet model për nga kultura dhe përgjshmëria po tentojnë që ta nxjerrin sit ë “pabindur” e madje fajtore për zgjednejn e krijuar.

Në qytetin e Shkodrës ka plasje “bombash me sahat” dhe ato janë bombat e vërteta nga mungesa e rendit. Ka edhe epidemik, por është ekonomike dhe politike, pasi mbetet nga zonat që nuk po nënshtrohet, aty ku Rilindja edhe mes vetes është e përçarë. Tashmë në kohë coronavirusi, paska vend edhe për ca politikë me deklarata “lutjeje” por edhe “kërcënimi” se nëse nuk zbatohen rregullat e qeverisë do të ketë masa të forta nga policia. Shenjat janë dhënë, por loja me mënjanim dhe ndarje është shumë më e rrezikshme se vetë virusi “COVID-19”. Teste, teste, teste! Jo kërcënime, mënjanime, apo qëndrime indirekte si “pupull i pandreqshëm”.