Ylli i Bayern München, Robert Lewandowski është rikthyer në stërvitje të plotë pasi u rikuperua nga një dëmtim në këmbë.
31-vjeçari ishte në fushë ndërsa kampionët e gjermanisë rifilluan stërvitjen në grupe të vogla ditën e djeshme. Lewandowski humbi tre ndeshje për shkak të dëmtimit përpara se pandemia e koronavirus të pezullonte futbollin gjerman në muajin mars.
Sulmuesi polak ka shënuar 39 herë në 33 paraqitje për Bayernin gjatë këtij sezoni.
