Christian Panucci ka dhënë një intervistë për “Correire dello sport” ku folur për shumë tema, kryesisht për situatën që ka krijuar coronavirusi në Itali.
Gjatë kësaj intervistë, ish-trajneri i Shqipërisë, ka folur edhe për kombëtaren tonë dhe për kohën kur ai ishte në drejtimin e kuqezinjve. Sipas Panuccit, frytet e punës të bërë prej tij gjatë qëndrimit në krye të detyrë po merren tani nën drejtimin e Edi Rejas.
“Jam i kënaqur me punën që bëra. Mora skuadrën që ishte në vendin e katërt në grupin kualikues dhe doli e treta. Kam bërë një punë skautimi të pabesueshme. Me Rejan tani dolën të katërtit në grup, siç i kisha thënë unë presidentit. Në Kombëtaren shqiptare edhe tani ka shumë lojtarë që afrova unë”.
Lideri? Futbollisti që ka dhënë më shumë është Taulant Xhaka, ka një vëlla që luan tek Arsenali, i cili ka zgjedhur kombëtaren zvicerane. Nuk e donin në Kombëtare se kishte sjellje pak profesionale, por e kam grumbulluar gjithmonë dhe kam folur si burrat me të. Nëse kisha një lider, ai ishte.
Më vjen keq kur lexoj se kanë rindërtuar grupin, atë e ndërtova unë. Kam marrë një skuadër që duhej të rindërtohej. Lojtarët nuk dëshironin të vinin. Shumë janë nga Kosova. Ata mund të zgjedhin të luajnë për Zvicrën dhe e kanë të vështirë të kenë ndjenjën e përkatësisë”, përfundon Panucci.
