Kryeministri britanik Boris Johnson ka kaluar natën në kujdes intensiv në spital pasi simptomat e tij të koronavirusit “u përkeqësuan”, pasditen e së hënës.
Një zëdhënës tha se ai ishte vendosur me këshillën e ekipit të tij mjekësor dhe po merrte “kujdes të shkëlqyer”.
Kryeministri, 55 vjeç, u shtrua në spital në Londër me “simptoma të vazhdueshme” të Covid-19, të dielën në mbrëmje.
Mbretëresha është mbajtur e informuar për shëndetin e Boris Johnson, sipas Buckingham Palace.
Korrespondenti i BBC tha se kryeministrit iu dha oksigjeni pasditen e së hënës, përpara se të merrej në kujdes intensiv.
Megjithatë, ai nuk është vendosur në intubim.
“Gjatë pasdites së së hënës, gjendja e kryeministrit është përkeqësuar dhe, me këshillën e ekipit të tij mjekësor, ai është transferuar në njësinë e kujdesit intensiv në spital”.
Udhëheqësi i Laburistëve, Sir Keir Starmer, tha se gjendja shëndetësore e Johson është “një lajm jashtëzakonisht të trishtuar”.
“Të gjitha mendimet e vendit janë me Kryeministrin dhe familjen e tij gjatë kësaj kohe tepër të vështirë,” shtoi ai.
Liderat botërorë – përfshirë Presidentin e SHBA Donald Trump dhe Presidentin Francez Emmanuel Macron – kanë shprehur mbështetjen e tyre për zotin Johnson.
