Shefja e departamentit të sëmundjeve infektive në ISHP, Silva Bino, tha sot se gjatë 24 orëve të fundit janë zbuluar 6 raste të reja me Covid-19, nga 182 teste të kryera. Me pacientët e evidentuar zyrtarisht në 24 orët e fundit, numri total i të prekurve nga koronavirusi arrin në 383, ndërsa numri i testeve të kryera është 2753.
Covid-19 ka shkaktuar 22 viktima, ndërsa numri i pacientëve të shëruar është 131.
Bino tha se në shërbimin infektiv aktualisht janë 67 pacientë të shtruar, 5 prej tyre janë në terapi intensive.
Ndërsa në spitalin COVID 2 “Shefqet Ndroqi”, janë 7 pacientë të shtruar gjithsej, 6 prej të cilëve në terapi intensive, ndërsa 3 pacientë janë të intubuar.
Pra në dy spitalet COVID aktualisht po marrin shërbim 74 pacientë.
Harta e të prekurve nga COVID-19 zgjerohet në Tiranë, Elbasan, Korçë.
Shpërndarja gjeografike e rasteve pozitive, është si vijon:
– Tiranë 181 raste
– Durrës 38 raste
– Lushnje 5 raste
– Elbasan 11 raste
– Fier 26 raste
– Kavajë 8 raste
– Rrogozhinë 4 raste
– Korçë 17 raste
– Vlorë 5 raste
– Shkodër 44 raste
– Lezhë 14 raste
– Berat 2 raste
– Has 12 raste
– Krujë 5 raste
-Tropojë 4 raste
– Pukë 4 raste
– Mirditë 3 raste
Ministria e Shëndetësisë dhe Mbrojtjes Sociale i kërkon qytetarëve të vijojnë të respektojnë masat e distancimit social. Sic e tregojnë edhe shifrat e ditëve të fundit, ku ka raste brenda të njëjtës familje, është e rëndësishme që masat e kontrollit të infeksionit të respektohen maksimalisht edhe brenda rretheve familjare duke shmangur vizitat tek të afërmit për çdo lloj arsye për të parandaluar transmetimin e COVID-19.
